الأكثر قراءةهذا الأسبوع
آخر تعديل: الجمعة 29 / مارس 00:01

قبطي غاضب يوجه رسالة مؤثرة للمصريين بعد الاعتداءات المتكررة على المسيحيين

كل العرب
نُشر: 13/01/11 16:53,  حُتلن: 22:13

يقول كرليس صادق في كلماته:
انتمائى الاول لمصر وانتمائى التانى لدينى لكن لما الوطن مصر تدوس دينى دينى ينادينى، واوعى يا امى تلومينى ولا يوم نسيتك رغم ان انتى نسيتينى، وعطشت لبنك وانتى ليه ما سقتينى، وحشنى حضنك وانتى هجرتينى

وجه شاب مصري، عرف نفسه على انه قبطي رسالة مؤثرة جداً الى وطنه مصر، معتبراً انه أمه، أمه التي يفديها روحه وحياته، معاتباً اياها على ما يتعرض له الاقباط من اعمال عنف واعتداءات متكررة راح ضحيتها العشرات من ابناء الطائفة المسيحية القبطية هناك، وكان آخرها منذ يومين عندما تعرض قطار لعملية اطلاق نار قتل على اثرها شخص واصيب عدد آخر، وقبلها انفجار سيارة مفخخة قبالة كنيسة القديسين في الإسكندرية.

ويقول الشاب كرليس صادق، مؤلف الكلمات وملقيها:" انتمائى الاول لمصر وانتمائى التانى لدينى لكن لما الوطن مصر تدوس دينى دينى ينادينى، واوعى يا امى تلومينى ولا يوم نسيتك رغم ان انتى نسيتينى، وعطشت لبنك وانتى ليه ما سقتينى، وحشنى حضنك وانتى هجرتينى، ولا يوم نسيتي، وتشهد عيون الزمان لما كنت انا سهران، واجى اسندكى، كتفى اهو اتكى، وامسح عيون تبكى.



وفي شعر آخر تم تأليفه بعد استشهاد القبطية الشابة مريم فكري تحت عنوان "مصر - مريم فكري" جاءت كلماته المؤثرة ايضا:

قوليلي يا بنت مصر هو انتي ايه ذنبك
تموتي ليه يا جميله و ينكسوا علمك
مين اللي خان الوطن و بكى عيون اهلك
انا مصري مسلم لكن دمي من دمك

قالتلي انا مش عارفه.. ليه قتلوني ؟!
لو كنت حتى غلط كانوا يعاتبوني
انا كل ذنبي خرجت و الفرحه في عيوني
في ليله كانت عيد مع ناس حبوني

ماشيه في شارع فرحانه بسنه جديده
كان عندي فيها امل و اماني سعيده
فجأه جرى اللي جرى و لقتني وحيده
صوت الصراخ تسمعه روحي وانا بعيده


الشهيدة مريم فكري

و شوفت امي بتبكي وصوت نداها عالي
رايحه لفين يا مريم يا عمر كان غالي
و اصحابي مسلم مسيحي الكل بكاني
بدموع ساكنها الألم على اللي جرالي

مانا برضوا ليا اصحاب كتير مسلمين
ولا عمرنا اختلفنا رغم اختلاف الدين
كان بينا حب و موده و لبعضنا قريبين
وان حد فيهم يحزن بلاقي قلبي حزين

قلت يا مريم يمكن موتي عشان قبطيه
فكان دينك السبب انك تكوني ضحيه
قالتلي لا يا مصري مش هيا دي القضيه
انا اتقتلت عشان تحصل فتنه طائفيه



عشان كدا بوصيكم تفضلوا سوا مع بعض
قتلي و انا وسطيكم زي اغتصاب العرض
انا قلت حقك هيرجع... حقك علينا فرض
و اللي طفوا شمعتك هنخسف بيهم الأرض

مسلم .. مسيحى .. أنا مصرى
مسلم ومسيحي مين ؟ ماكلنا مصريين
لا عمري فرق بينا عدو ولا دين
وهنفضل دايماً ايد وحدة عايشين
ونصرنا يا ربي على الخاينين
واوعى تقول انا مين وانت مين
قول كلنا مصريين


gettyimages
 

مقالات متعلقة

14º
سماء صافية
11:00 AM
14º
سماء صافية
02:00 PM
13º
سماء صافية
05:00 PM
9º
سماء صافية
08:00 PM
9º
سماء صافية
11:00 PM
06:12 AM
05:31 PM
2.78 km/h

حالة الطقس لمدة اسبوع في الناصرة

14º
الأحد
16º
الاثنين
15º
الثلاثاء
14º
الأربعاء
17º
الخميس
16º
الجمعة
16º
السبت
3.66
USD
3.95
EUR
4.63
GBP
259231.29
BTC
0.51
CNY