وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

انا فتاة عمري٢٤ سنة قصتي بلشت ومن وانا عمري١٤ . قصتي اني ربيت عند عمتي كبرت عندها ووعيت على الدنيا مع انو امي وابوي موجودين والحمدلله بس انا كنت احب عمتي , وكان الها ولاد شباب وكان عندها شب عمرة ٢٧ ومتزوج وعندة ولاد وهذه الشب هو يلي رباني بس بعرفش كيف بعد ما تزوج بسنتين صار يحبني وبلشت بينا علاقة حب وانا هلا صارلي معو ١٠ سنين يعني هو عمرة صار ٣٧ سنة والمشكلة اني انا تعبت مش قادر ااتحمل اكتر اهلي كلهم عرفوا بقصتنا واهلوا والناس كلها بتعرف عنا والكل صار يضايقني بالحكي والكل رافض هالاشي يلي بينا .وانا مش عارف هذه الحب لوين بدوا يوصلنا يعني انا بعرف انة هو بدو ونفسوا يتزوجني بس هو خايف من اهلي لانو اهلي حالفين انو ما يزوجوني اياتو لو نموت ما بزوجونا لبعض وسبب تاني انو اهل مرتو هو خايف من عيلة مرتو لانهم مسلحين وخايف منهم علينا وعلى حالوا وعلى عيلتوا وانا بلشت ازهق وبلشت بينا المشاكل وانا خايف اخسروا وانا بقدرش اعيش من دونة وبتمنى انكوا تساعدوني وتحكولي وتنصحوني اذا اكمل معو ولا شو ومن شان الله ما تحكوا انو متزوج وحرام وبعرفش لانو يلي صار معنا غصب عنا والله.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il