- ابرز ما جاء في الرسالة:

* عمري 20 سنه واعمل في احد المراكز التجارية والمعروفة

* سمعتي مثل الدهب وانا بنت مربيه منيح واخلاقي عالية جدا ولا كلام

* اضطررت لدخول الحمام العمومي في محل عملي وشفت ما لا يمكن تصوره

* الموقف الي شفت في الصبيتين يخلو من النظافة والشرف والطهارة والبراءه

* لا اذهب الى عملي خوفا من ان يتكرر الموقف مرة اخرى امامي مع اني خايفة اني كمان احكي لحدا

* انا خايفه انو هاد يأثر علي من ناحية نفسية واجتماعية والاكتر انهن يهددوني وان تتغير علاقاتي مع الناس بشكل عام

 وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة هي التالية:
مرحبا, حبيت من خلال هاي الرسالة انو تشاركوني بصدمتي او تخففو عني شوي لاني كتير مشوشة تفكيريا ومعنويا والدنيا سودة بعيوني, انا بنت عمري 20 بشتغل بأحد المراكز التجارية المعروفة والحمدلله مربية وسمعتي متل ليرة الذهب , قبل اكم يوم لمن كنت بالشغل اضطريت اني اتوجه للحمام العمومي وطبعا دخلت لحمام النساء والمفاجئة كانت انو صبيتين من اللي بشتغلو معي كانو واقفات قريبات من بعض كتير وبوضع محرج يخلو من اي براءة او نظافة طبعا هني خافو كتير وابنعدو عن بعض ووحدة منهن دخلت الحمام والتانية طلعت ركض من الحمام انا كتير انذهلت وصرت بدي ابكي لأني اول مرة بشوف هيك شغلة امام عيوني بس كنت اسمع عنها من بعيد , انا صرلي 3 ايام ما رحت على الشغل ونفسيتي تعباني وما مسترجية احكي لحدا, بدي تساعدوني شو اعمل ؟

صورة توضيحية فقط!

وانا بحيرة وخوف من هذا الموقف انو يأثر علي مو بس من ناحية نفسية وكمان من ناحية اجتماعية ..انا خايفة او تتغير علاقاتي مع الناس واصير مش بس اخاف من الشباب انو يلاحقوني لا ومن البنات كمان ...ساعدوني كيف بغدر اطلع هادا الشيىء من راسي وبدون ما يأثر على حياتي الاجتماعية والنفسية ..وكيف بدي اعود اطلع فيهن كمان مره لهدول البنات ..ويا ترى هني كيف راح يطلعوا في ونضل نشتغل بنفس المحل ...وهل ممكن انهن يهددوني ويخافوا اني احكي لحدا عن الي شوفتوا واستنتجتوا من تصرفهن الوسخ ..
كتير اسئله بدور براسي ومش عارفي شو الحل ؟ ساعدوني بدون الاستهتار بمشكلتي الي انا شايفتها صعبه ..؟

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il