أبرز ما جاء في الرسالة:

مشكلة جوزي انو ولا مرة هوي بادر وصالحني

لمن نكون متصالحين بحسو بحبني بس هوي عصبي كتير وكتوم كتير

بهاي الفترة ولدت بنتي وما اجا زارني بالمستشفى تخيل وبعد ما اتصالحنا

انا بطلت اتنازل لاني صرت اخاف يصدني ويفنسني ولما نتزاعل هوي بنام بغرفة لحالو وما بوكل من البيت علاقتو وحكيو بس مع اولادو

وصلت الى موقع العرب رسالة من امرأة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية

اولا انا مشكلتي هيي مع زوجي هوي انسان كتير منيح وانا حبيت قبل ما نتزوج وهوي كمان حبني وصارلنا 5 سنين متزوجين وعنا ولد ووبنت مشاكلنا وادت اكتر من سنتين وانا بستغرب كيف بنقاطع بعض فترة عاشياء تافهة ولما نرجع نتصالح بنرجع عادي وبعتبر حالي اسعد انسانة بالدنيا.
 

صورة توضيحية

مشكلة جوزي انو ولا مرة هوي بادر وصالحني ومن سنتين بنتزاعل كتير يعني مشاكل كبيرة بتصير مرتين او تلات بالسنة وبنتزاعل شهر وشهرين ومرة وصلت شهرين ونص وانا كنت احاول اصالحو بكتير طرق ويرفض واجرب كتير لحتى بالاخر يرضى وهوي ما برضى بعد ما نتصالح نحكي عن المشكلة.

لا حياة لمن تنادي
وبالاخر انا بطلت اتنازل لاني صرت اخاف يصدني ويفنسني ولما نتزاعل هوي بنام بغرفة لحالو وما بوكل من البيت علاقتو وحكيو بس مع اولادو وقبل هاي الزعلة مرة تزاعلنا على اشي تافه وفضلنا شهرين ونص وانا بهاي الفترة ولدت بنتي وما اجا زارني بالمستشفى تخيل وبعد ما اتصالحنا نسيت وعشنا احلى ايمام هادا كان بشهر 5 يلي وفات واسه من شهر ونص كمان صار مشكلة تافهة وبعدو مخاصمنا بعتلو كتير رسايل عتلفونو اني بعزو واني غلطانة وكلام كتير حلو بس لا حياة لمن تنادي.
 
أخاف أن يعرف واحدة غيري
وهوي على فكرة ببات بشغلو اربع ايام بشتغل بالجنوب هادا سبب بخليني اخاف انو يعرف وحدة غيري بطلت اعرف كيف اتعامل معاه امبارح بالليل بعتلو رسايل اسألو ازا بدو اياني وبحبني ما رد واسة بعتلو رسالة انو عدم ردو الي هوي انو ما بدو اياني وقلتلو بدكش ايان خلينا ننفصل يعني حبيت استفزو بس ما برد على اي رسالة ويوم عطلتو بحكي معو ازا بدو يوكل او بطلب منو شغلات معينة برد بكلمة او كلمتين وبس انا تعبت من هالوضع وبطلت اتحمل وبطلت اغدر اتقرب منو لحتى نتصالح وبنفس الوقت بموت بدونو بحبو حب لا يوصف.
 
عندما نتصالح أشعر بأنه يحبني
وهوي لمن نكون متصالحين بحسو بحبني بس هوي عصبي كتير وكتوم كتير وعندو مشكلة انو ابوه تركهن وهوي عمرو 13 سنة واسة هوي 33 وانفصل عن امو وامو فضلت ببيتها وبحب احكيلكو شغلة انو انسانة مؤمنة والحمد لله متحجبة من اول ما تزوجت بناءا على طلبو واقتنعت بس من مدة تركت صلاتي وكل ما اقرر ارجع لصلاتي بصلي يوم وبس مش عارفة ليه هيك بصير معي اخوتني.. القلب الحنون ارجوك اتساعدني وتحكيلي شو اعمل ولا تقسى بتعقيبك وبتمنى من جميع المعقبين ما حدا يعقب على اي اشي رجاء خاص.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il