أبرز ما جاء في الرسالة:

هو ضد العلاقات العاطفية ومش ممكن بيوم يفوت بهيك علاقة، لانها حرام

الشاب انا بعرفه منيح متدين واخلاقه ما في منها بس هو بن ادم عنيد ومستحيل انه حدا يقدر يقنعه

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا انا صبية من الشمال عمري 20 سنة بتعلم في الجامعة في شاب بيتعلم معي من بلد مجاورة كان ابن صفي من ايام الاعدادية، مشكلتي اني بحب هذا الشاب، بس حب من طرف واحد، وكل يوم بيزيد جنوني فيه، الشاب انا بعرفه منيح متدين واخلاقه ما في منها، بس هو بن ادم عنيد ومستحيل انه حدا يقدر يقنعه، من ايام الاعدادية وهو هيك شخصيته قوية كثير وما حدا بيقدر يأثر عليه، حتى انه اللي يفوت بنقاش معاه يخليه يغير رأيه بسهولة وهذا اللي حببني فيه اكثر واكثر لحتى صرت مجنونة فيه وانا مش عارفة شو اعمل، حاولت اكثر من مرة  ابين له اني بحبه بس برضو ما في فايدة من جديد حكيت انا وياه وسالته عن فتاة احلامه، وإذا في حدا بحياته قال لي أنه ما في حدا بحياته، وهو ضد العلاقات العاطفية، ومش ممكن بيوم يفوت بهيك علاقة، لانها حرام. قلتله طب لو كانت علاقة جدية قلي برضو حرام، من جهه مش قادرة اعترفله اني بحبه خايفة اخسره، ومن جهة ثانية بموت فيه ومش رح اقدر اظل هيك، مش عارفة شو اعمل.
 
صورة توضيحية

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.net