أبرز ما جاء في الرسالة:

 كرهت حياتي كرهت عيشتي لدرجه انو بتمنى الموت على هيك عيشة لانو حياتي مملة بشكل

نفسي حدا يفهمني لانو جوزي ما شالله عليه بعرفش شيء من حياة الحب والترفيه ودائما نقار انا واياه مع اني مش مقصرة معو بشيء

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا الى زوار العرب بتمنى ادلوني على الطريق الصح انا امرأة عمري 26 سنة متزوجة منذ سنوات ورزقت بولدين.. مشكلتي اني كرهت حياتي كرهت عيشتي لدرجه انو بتمنى الموت على هيك عيشة لانو حياتي مملة بشكل.. نفسي حدا يفهمني لانو جوزي ما شالله عليه بعرفش شيء من حياة الحب والترفيه ودائما نقار انا واياه مع اني مش مقصرة معو بشيء. كل اللي بهمو يوكل وينام ويحضر تلفزيون مش عارفة كيف بدي اغيرو حتى حقوقه ما بيسأل عنها مش عارفة شو هالزلمة هاد كل مرة بقول يلا بكرا بتغير يلا بكرا بخبط راسو بالحيط ولا حياة لمن تنادي انا زهقت لا بطلت اتحمل.

 
صورة توضيحية

وحتى الاولاد ملو من هالعيشة ودايما بسالوني ليش ما منطلع مشوار ليش مابتخدونا مثل باقي الاولاد ودايما بقولي يا تعبان يا معيش تعبت من هالعيشة يمكن تقولو شو هالسخافه. يا ريت تدلوني على طريقة تساعدوني فيها عنجد اني زهقت بتمنى تحطوا حالكو محلي بس لطبيخ ولشغل البيت مليت بتمنى تساعدوني.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.net