مَــرّة بـِلـَيلة شتي ليها اشتقت محرور
ونـِحنا بـِعـِز البـرد ثـِمي دفــو شفافــو

وما قدرت اغفى عـَلـْ مخدة بلا ما زور
يلي بعمري كنت اغفــى علـى كتافـــو

مــا لقيــت ألا وأنــا ماشـي بهالديجـور
وسابـــق نزول الشتي بعيون بيخافـــو

ولمـّا عَ بيتا وصلت طـَل الفضا والنور
بْشِبّاك ضاوي وعيوني صوبهـا طافـو

ورميت شقفـة حجـر تيطل هالعصفور
وقلبــي تـَيـِشفــا بنظــرة بــرد اسعافــو

وقالت يا بيي الشتي رح يكسر المجبور
وشباك فجأة انطفـى هالنور عَ حفافـــو

تا سـال مـَدمَـع عيوني وبقلــب مقهــور
تــمنيـــت لــولا خلقت بعيون ما شافــو

ابو سنان

موقع العرب يفسح المجال امام المبدعين والموهوبين لطرح خواطرهم وقصائدهم التي كتبت بقلمهم المميز ويقدم للجميع منبرا حرا في التعبير عما في داخلهم ضمن زاوية منبر العرب. لإرسال المواد يرجي إرفاق النص في ملف وورد مع اسم الكاتب والبلدة وعنوان الموضوع علي العنوان: alarab@alarab.net