أبرز ما جاء في الرسالة:

صرت احكي لحالي اني لازم انهي حياتي او بقبل اعيش مع بني ادم ما بحبه بس مشان ما يصير حكي علي والله تعبت مش عارفة ايش اعمل ساعدونيييي مشان الله صرت احس انه مريض نفسي

وصلت إلى موقع العرب رسالة من فتاة تطلب إرشاد ونصيحة زوار موقع العرب الكرام. موقع "العرب" يؤكد أنه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية أو تصحيح أخطاء إملائية.

مرحبا للجميع بتمنى تساعدوني على مشكلتي... انا فتاة من هاي البلاد عمري 19 سنة مشكلتي اني تعرفت على شاب وبدينا نحكي لفترة صغيرة..مش عارفة ايش كانت مشاعري اتجاهه ويمكن حتى ما كانت مشاعر حب، بس هو حبني بشكل جنوني وانا عرفت انه هالاشي غلط ومو لازم كمل بهيك طريق ..حكيت لاهلي وهو حكى معهن ...ما بدهن اياه وانا سلمت بالامر الواقع وما بدي حدا ما بعرف طبيعة مشاعري تجاهه بس ما اقتنع اني ما بدي، اجى طلبني وما قبلت وقلي رح ضل وراكي ورح اوخدك غصبن عنهم ... قلت له اني ما بحبه مش راضي يقتنع ...

بعد مرور فترة وبعد لا قطعت كل الطرق انو يوصلي رجع يحكي وهددني بالقتل وبالخطف وانه اذا ما برد عليه رح يعملي مشاكل وهددني اذا بتكوني لحدا تاني رح اقتلك واقتله وانا مش عارفة ايش اعمل .. راحو ناس يحكو معهم وحكينا مع اهله على الفاضي هددني اذا بتشكى عليه رح ينشر صوري وحتى لو انحكم هدد انو بس يطلع بده ينتقم وانا والله تعبت كل يوم مشاكل وكل يوم تهديد وانا ما بدي اياه واهلي كرهوا ..حتى صرت احكي لحالي اني لازم انهي حياتي او بقبل اعيش مع بني ادم ما بحبه بس مشان ما يصير حكي علي .. والله تعبت مش عارفة ايش اعمل ساعدونيييي مشان الله صرت احس انه مريض نفسي !!

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.net