جاء في الرسالة:

أهلي حبوها كتير وفرحانين وبفكروا بالعرس وكيف بدي اتركها مش عارف وخايف على زعلهن كتير وابوي عنده سكري بديش يروح فيه

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا، انا شاب عمري 28 سنة، خاطب وحدة من بلدتنا وانا اخترتها بعد سنين دامت بينا واحنا بعلاقة حب، بس بعد ما خطبتها بلشت احس انه احنا مش لبعض، هي عصبية كتير، ويمكن انا الغلطان لأني بلشت ابعد، المهم بدي اتركها ومش غادر اكمل معها، كتير بتغار مش شوي، مكنتش هيك. بدها تلبس قصير، وانا بديش، بتقولي مياهن خواتك بلبسوا، طب انا شو خصني بخواتي، خواتي أبوي بدبرهن، انا الي بمرتي يلي بدي اكمل معها حياتي. بدها تحط صور عالفيسبوك، وانا بديش اياها تحط، بس خطبنا صارت تقولي مياهن خواتك بحطوا صور عالفيس. وكتير أمور، ومش بس وبتحكي بعصبية ومش قادرة تقتنع انه هي ملهاش علاقة لا بامي ولا بخياتي. المهم، اهلي حبوها كتير وفرحانين وبفكروا بالعرس، كيف بدي اتركها؟ مش عارف، خايف على زعلهن كتير وابوي عنده سكري بديش يروح فيها!

 
صورة توضيحية

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.net