أبرز ما جاء في الرسالة:

أنا بنت عمري 16 سنة عندي أخو اكبر مني واخت عمرها 3 سنين وأنا بعدني بالمدرسة بتعلم أخوي كتير بتحكم فيي بالبيت وامي وابوي سامحينله..  

 وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا كيفكو؟؟
انا الصراحة ترددت كتير قبل ما ابعت مشكلتي بس بطلت اتحمل ومش غادرة احكيها ولا لحدا.
انا بنت عمري 16 سنة عندي أخو اكبر مني واخت عمرها 3 سنين وانا بعدني بالمدرسة بتعلم، أخوي كتير بتحكم فيي بالبيت وامي وابوي سامحينله ومش عم بعملوله اشي وقابلين هاد التصرف بس الاشي انه اهلي كمان بهتموش فيي وولا بسألو عني كتير بس لما في اشي مزعلهن بصيحوا، هني بس بهتمو باختي الصغيرة وأخوي عشان هو الولد . دايما بطلب مني اساويله اكل او اكويله اواعيه بس لما اقله مرات لا بعمل مشكلة بالبيت واكيد كلهن بوقفوا معاه ضدي. انا عنجد تعبانة ومش عارفة شو اساوي وحاسة حالي كتير وحيدة بالبيت ومش غادرة احكي المشكلة لحدا، لو سمحتو اي حدا مرق بتجربة متلي يساعدني انا بحاجة كتير لمساعدتكو لازم اعمل اشي وشكرا الكو كتييير..

 
صورة توضيحيّة

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.net