- أبرز ما جاء في الرسالة:

*احنا ساكنين بحارة البيوت فيها قريبة على بعض

*  ابن جيرانا شب بس منظره بخوف مش لانو بشع لا سمح الله بالعكس ملامحه حلوة بس هو مشنع حاله

* بلبس أسود دايما وشعره طويل وحاطط هو وصحابو تاتو وحلق بالأذن والأنف وعلى طول موسيقى غريبة عجيبة على العالي

* احنا بالحارة كتير خايفين وبصراحة عم منفكر نطلع من البيت بس الماديات ما بتسمحلنا.. شو مفروض نعمل وكيف منقدر نتصرف؟

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
مرحبا موقع العرب انا صبية من الشمال عندي مشكلة عويصة وبتخيل انها مش بس مشلكلتي لحالي انما مشكلة كل الحي وكمان ظاهرة مش حلوة بالمجتمع العربي ككل.
احنا ساكنين بحارة البيوت فيها قريبة على بعض بس ابن جيرانا شب بس منظره بخوف مش لانو بشع لا سمح الله بالعكس ملامحه حلوة بس هو مشنع حاله ان كان من طريقة اللباس شراويل طويلة ونافخة وان كان حلقة بخشمه ودانو ولسانه وكلو تاتو وشعره طويل كانو مش متحمم من سنة والاكتر من هيك على طول ضاوي غناني غريبة عجيبة ومخيفة بصوت عالي وصاخب بخلي كل الحارة اللي بدو يسمع وما بدو يسمع ينجبر يوكل هوا وما يسخا يحكي معاه.

صورة توضيحية

على الأغلب كمان صحابة اللي بضلو يسهرو ويسكرو عندو وكلهن لابسين اوعاي غيربة من عبدة الشياطين لانهن بعملو بالحارة طقوس غريبة.. احنا بالحارة كتير خايفين وبصراحة عم منفكر نطلع من البيت بس الماديات ما بتسمحلنا.. شو مفروض نعمل وكيف منقدر نتصرف؟
موقع العرب انا بترجاكو تنشرو المشكلة لانه عنجد الموضوع زاد عن حده وعشان نلاقي حلول للظاهرة الخطيرة لانو شبابنا العرب عم بقلدو الغرب وبروحو نحو الهلالك وشكرا.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il