أبرز ما جاء في الرسالة:

قبل فترة تعرفت على شاب وقعت بغرامو كإنو هو الشخص اللي حلمت فيه كل عمري

هو كمان بحبني وانا مقتنعة انو هو المناسب الي وما في شك بالمرة بس المصيبة انو متجوز وعندو ولدين زغار

بضل يحكيلي انو حتى لو كان متجوز فش مشكلة بالمرة لانو هو بصوم وبصلي ومتدين نوعا ما والشرع بسمحلو يتجوز اكتر من وحدة

بدي اموت من التفكير.. شو لازم اعمل؟ مرات بقول لازم اتجوزه المهم انا اعيش حياتي وانبسطت مع فارس احلامي بس مرات بقول اللي بتجوز على مرتو بتجوز علي

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

السلام عليكم انا صبية في آخر العشرينات من عمري قبل فترة منيحة تعرفت على شاب وقعت بغرامو كإنو هو الشخص اللي حلمت فيه كل عمري وما بتخيل اعيش بدون حبه والأحلى من هيك انو هو كمان بحبني وبموت فيي وانا مقتنعة انو هو المناسب الي وما في شك بالمرة بس المصيبة انو متجوز وعندو ولدين زغار.

صورة توضيحية

بضل يحكيلي انو حتى لو كان متجوز فش مشكلة بالمرة لانو هو بصوم وبصلي ومتدين نوعا ما والشرع بسمحلو يتجوز اكتر من وحدة. بضل يقول انو ازا رب العالمين والشرع سامحلو ليش انا امنعه؟

صراع يقتلني
انا بصراع من ناحية بموت بدونو وحابة اتجوزه بس ما بقدر اخرب بيت مرتو وآخد جوزها منها وأخليه ولادو يربو بعيد عنو. مش عارفة كيف افكر وشو اعمل. هو بضل يضغط علي وبقللي ازا بدك حتى نكون مع بعض منقدر نتجوز بالسر كحل مؤقت بس انا ما بقدر اخون أمانة أهلي. سيعتها بقللي مش فارق معو بقدر يعلن زواجه بس موقفه الاجتماعي يمكن يتأتر من هذا الزواج خصوصي انو ما بعرف رد فعل مرتو.

هل من حل؟
بدي اموت من التفكير من شان قولولي شو لازم اعمل؟ مرات بقول لازم اتجوزه المهم انا اعيش حياتي وانبسطت مع فارس احلامي بس مرات بقول اللي بتجوز على مرتو بتجوز علي... مع اني واثقة فيه بس انا بدوامة بليز ساعدوني... موقع العرب يا ريت تنشرو المشكلة بأسرع وقت من شان الله وشكرا.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il